ខេត្តព្រះសីហនុ ៖ សាកសពមេធាវីវ័យក្មេង ដែលបានលង់ទឹកស្លាប់ កាលពីរសៀលថ្ងៃទី០៣ ខែសីហា កន្លងមក ត្រូវបានរកឃើញហើយ នៅចម្ងាយពីកន្លែងកើតហេតុ ជិតពីរគីឡូម៉ែត្រ ស្ថិតក្នុងភូមិប្រាំមួយ សង្កាត់៤ ក្រុងនិងខេត្តព្រះសីហនុ នៅវេលាម៉ោង៦និង១០នាទីព្រឹកថ្ងៃទី០៤ ខែសីហា ឆ្នាំ២០២១នេះ។
ជនរងគ្រោះលោកមេធាវីខាងលើ ត្រូវបានអាជ្ញាធរមានសមត្ថកិច្ចឲ្យដឹងថា លោកមេធាវីខាងលើមានឈ្មោះ ជូ ជាគុយ ភេទប្រុស អាយុ ២៩ ឆ្នាំ ជនជាតិខ្មែរ មានមុខរបរជាមេធាវី ទីលំនៅរាជធានីភ្នំពេញ បានមកក្រុងព្រះសីហនុ ក្នុងបេសកកម្មការងារ និងទេសចរណ៍។ ជនរងគ្រោះ នាវេលា រសៀល ថ្ងៃទី០៣ ខែសីហា ឆ្នាំ ២០២១ រូមនិងមិត្តភ័ក្រ មានគ្នាចំនួន ០៤នាក់ គឺជាភ្ញៀវទេសចរជនជាតិខ្មែរ មកពីរាជធានីភ្នំពេញ បាននាំគ្នាចុះទៅលេងទឹកសមុទ្រ នៅត្រង់ចំណុចឆ្នេរអូរត្រេះ១ ស្ថិតក្នុងភូមិលេខ៦ សង្កាត់លេខ៤ ក្រុងព្រះសីហនុ ។ ជនរងគ្រោះ ចុះទៅលេងទឹកពេលមានរលកបោកបក់ខ្លាំង ជាហេតុធ្វើឲ្យជនរងគ្រោះបានបាត់ខ្លួនក្នុងពេលនោះតែម្តង ។ ចំណែកមិនភ័ក្រចំនួន៣នាក់ទៀតមិនមានបញ្ហារអ្វីទេ ។
ភ្លាមៗកម្លាំងនគរបាល និងប្រជាពរដ្ឋបានប្រើប្រាស់ម៉ូតូទឹកចំនួន៣គ្រឿង បានស្វែងរក លុះព្រឹកថ្ងៃទី ០៤ ខែសីហា ទើបបានរកឃើញសាកសព។
បច្ចុប្បន្នសាកសពត្រូវបានសាច់ញាតិនៃសពបានលើកយកមកដាក់នៅលើឆ្នេរដើម្បីសមត្ថកិច្ចធ្វើកោសល្យវិច្ច័យតាមនីតិវិធី រួចទើបអនុញ្ញាតប្រគល់ជូនគ្រួសារ និងសាច់ញាតិ ៕