ខេត្តពោធិ៍សាត់ ៖ នៅវេលាម៉ោង២និង៣០នាទីអាធ្រាត្រឈានចូលថ្ងៃទី១៤ខែវិច្ឆិកា ឆ្នាំ២០២៣ វេលាម៉ោង២.៣០នាទីអាធ្រាត្រ មានសកម្មភាពបទល្មើសព្រហ្មទណ្ឌមានចោលួចគោ៤ក្បាលនៅចំណុច អូរពងមាន់ ស្ថិតក្នុងភូមិស្ទឹងថ្មី ឃុំប្រមោយ ស្រុកវាលវែង ខេត្តពោធិ៍សាត់ ។
ក្រោយទទួលបានព័ត៌មានភ្លាម លោកឧុត្តមសេនីយ៍ទោ ស ថេង បានបញ្ជាអោយលោកឧត្តមសេនីយ៍ត្រី ម៉ូ លីដា ដឹកនាំកម្លាំងចុះពួនស្ទាក់នៅចំណុច ភូមិប្រមោយ ឃុំប្រមោយ ស្រុកវាលវែង។
លោកឧត្តមសេនីយ៍ត្រី ម៉ូ លីដា ស្នងការរងទទួលផែនព្រហ្មទណ្ឌ ខេត្តពោធិសាត់ បានអោយដឹងថា
ជនរងគ្រោះដែលជាម្ចាស់គោចំនួន២នាក់
មាន១.ឈ្មោះ ទឹម សុខា ស្រី អាយុ.៦៦ឆ្នាំ ខ្មែរ រស់នៅភូមិស្ទឹងថ្មី ឃុំប្រមោយ ស្រុកវាលវែង ខេត្តពោធិ៍សាត់ មុខរបរ កសិករ បាត់គោចំនួន៣ក្បាល។
២. ឈ្មោះខឹម សុខា ប្រុស អាយុ.៥៩ឆ្នាំ ខ្មែរ រស់នៅភូមិប្រមោយ ឃុំប្រមោយ ស្រុកវាលវែង ខេត្តពោធិ៍សាត់ មុខរបរកសិករ បាត់គោចំនួន ១ក្បាល។
ភ្លាមៗសមត្ថកិច្ចនគរបាលប៉ុស្តិ៍រដ្ឋបាលឃុំប្រមោយ សហការជាមួយកម្លាំងនគរបាលប៉ុស្តិ៍សំរោង ស្រុកភ្នំក្រវាញ និងសហការជាមួយ កម្លាំងអន្តរាគមន៍នៃអធិការដ្ឋាននគរបាល ក្រុងពោធិ៍សាត់ និងកម្លាំងអន្តរាគមន៍ អធិការដ្ឋាននគរបាលស្រុកបាកាន បានធ្វើការដេញតាមនិង ចាប់មុខសញ្ញាដែលធ្វើសកម្មភាពលួចគោចំនួនបួនក្បាលខាងលើនេះ។
លោកស្នងការរង បានអោយដឹងទៀតថា មធ្យោបាយដឹកជញ្ជូនមានរថយន្ត ហុកឡមួយគ្រឿមានក្បាលស ទ្រុងពណ៌ខៀវ ពាក់ស្លាកលេខភ.ពេ.ដ០៣២៧ ដែលជនសង្ស័យបានធ្វើសកម្មភាពលួចគោចំនួនពីរកន្លែងផ្សេងគ្នា លើកទី១នៅចំណុចភូមិប្រមោយ ឃុំប្រមោយ លួចគោចំនួន ៤ ក្បាល គោបានហក់ចេញពី រថយន្តចំនួន ៣ ក្បាល នៅសល់មួយក្បាល ហើយជនសង្ស័យបានធ្វើសកម្មភាពមួយកន្លែងទៀតនៅចំណុច អូពងមាន់ ភូមិស្ទឹងថ្មី ឃុំប្រមោយ លួចគោបានចំនួន ៣ ក្បាល សរុប៤ក្បាលនៅលើរថយន្ត។
ក្រោយកម្លាំងសមត្ថកិច្ចទទួលព័ត៌មានពីប្រជាពលរដ្ឋ កម្លាំង សហការ មានអធិការនគរបាលស្រុកភ្នំក្រវាញ អធិការក្រុងពោធិ៍សាត់ អធិការនគរបាលស្រុកបាកាន និងកម្លាំងការិយាល័យនគរបាលព្រហ្មទណ្ឌកម្រិតស្រាលខេត្តបានធ្វើការដេញតាមចាប់ បានជនសង្ស័យបានចំនួនពីរនាក់ វត្ថុតាងរថយន្តមួយគ្រឿងគោចំនួន ៤ ក្បាល។
លោកឧត្តមសេនីយ៍ត្រី ម៉ូលីដា បានអោយដឹងថាក្រោយកើតហេតុ សមត្ថកិច្ចសហការឃាត់ខ្លួនជនសង្ស័យទាំងពីរនាក់មាន១ឈ្មោះ: ឈឿន ម៉ាប់
ប្រុសអាយុ.៤២ឆ្នាំ.ខ្មែរ រស់នៅភូមិ ដងទង់ ឃុំដងទង់ថ្មី ស្រុកឈូក ខេត្តកំពត ជាម្ចាស់រថយន្ត។
២.ឈ្មោះស៊ន.ម៉ៅ ប្រុសអាយុ៤២ឆ្នាំ ខ្មែរ រស់នៅភូមិបែកចាន សង្កាត់ ចោមចៅ រាជធានីភ្នំពេញ មុខរបរកម្មករស៊ីឈ្នួល លក់ស្បែកជើង។
បច្ចុប្បន៍ជនសង្ស័យទាំងពីរនាក់ កម្លាំង សហការ បានចាប់ខ្លួនជនសង្ស័យបាននៅចំណុច ថ្នល់បត់ ស្ថិតក្នុង ឃុំព្រៃស្វាយ ស្រុកមោងឬស្សី ខេត្តបាត់ដំបង កំពុង់ធ្វើការសាក់សួនិងក៍សាងសំណុំរឿងចាត់ការបន្តតាមនិតិវិធី ៕
