អន្តរជាតិ ៖ ប្រទេសអ៊ីស្រាអែល បានច្រានចោលគំនិតនៃបទឈប់បាញ់ រហូតដល់មានការដោះលែងចំណាប់ខ្មាំងដែលកាន់កាប់ដោយចលនាប៉ាឡេស្ទីនហាម៉ាស់ ។ នេះបើយោងតាមប្រភពការទូត។
អ្នកការទូតមកពីប្រទេសទី ៣ បាននិយាយសង្ខេបអំពីកិច្ចពិភាក្សា ជុំវិញការដោះលែងចំណាប់ខ្មាំងនៅហ្គាហ្សាថា ផ្នែកធំនៃព័ត៌មានលម្អិតត្រូវបានយល់ព្រម ហើយចំណុចជាប់គាំងគឺ អ៊ីស្រាអែល មិនចង់យល់ព្រមចំពោះបទឈប់បាញ់ជាអចិន្ត្រៃយ៍។
យោងតាម NBC News មន្ត្រីអាមេរិក កាតា និងអេហ្ស៊ីប បន្តជំរុញឱ្យមានកិច្ចព្រមព្រៀងមួយ ដែលនឹងដោះលែងអ្នកជាប់ឃុំដែលនៅសេសសល់នៅតំបន់ហ្គាហ្សា។
ទន្ទឹមនោះ ក្រុមហាម៉ាស់ ក៏កំពុងទាមទារឱ្យបញ្ឈប់ការប្រយុទ្ធជាអចិន្ត្រៃយ៍ ការដកកងកម្លាំងអ៊ីស្រាអែលទាំងស្រុងចេញពីតំបន់ហ្គាហ្សា និងការដោះលែងអ្នកទោសប៉ាឡេស្ទីនមួយចំនួនធំ ផងដែរ៕
