ខេត្តកោះកុង ៖ បែកធ្លាយរូបភាពលោក កែវ វិចិត្រ មេបញ្ជាការតំបន់ប្រតិបត្តិការសឹករង កោះកុង
តាមហ្វេសប៊ុកឈ្មោះ Ny Za បានសរសេរថា : អាមេល្មោភកាម ដើរទាក់ទងតែប្រពន្ធកូនទាហានខ្លួន ធ្វើអោយប្ដីប្រពន្ធគេលែងគ្នា ទាហានស្រីខ្លះទៀតកំពុងភ័យខ្លាចជាមួយលោកមេបញ្ជាការថ្មីរូបនេះ អោយពេលផឹកស៊ីស្រវឹង តែងតែតេរកកូនចៅស្រីអោយមកផឹកជាមួយខ្លួន អ្នកខ្លះតេមិនទៅផឹកជាមួយ ចង់បញ្ជូនគេទៅនៅកន្លែងឆ្ងាយ ទាំងដែលកូនចៅជាទាហានស្រីសុទ្ធតែមានប្ដីអស់ហើយ មិនតែប៉ុណ្ណឹងទេ លោកមេបញ្ជាការថ្មីរូបនេះ ធ្លាប់រកចាប់រំលោភកូនចៅស្រីមិនបានសម្រេចម្ដងទៀត ចាប់រំលោភគេមិនបានហើយនៅរកគ្រប់វិធីចង់បានគេទៀត រកទិញផ្ទះ រកទិញម៉ូតូ អោយលុយកូនចៅ មិនយកសុទ្ធថាគេល្ងង់ គេមានប្ដីហើយ ចង់អោយគេក្បត់ប្ដីគេ យកមេល្មោភកាមឯងមែន កុំព្រោះការសប្បាយរបស់លោក ធ្វើអោយគេបែកបាក់គ្រួសារនោះ អាងមានលុយមានអំណាច ធ្វើបាបកូនចៅ សូមថ្នាក់ដឹកនាំជួយពិនិត្យមើលលោកមេបញ្ជាការថ្មីរូបនេះផង ធ្វើអោយកូនទាហានស្រី មានការភ័យខ្លាចជាងនេះទៀត:។
លោកឧត្ដមសេនីយ៍ត្រី កែវ វិចិត្រ មេបញ្ជាការតំបន់ប្រតិបត្តិការសឹករងកោះកុង ជាមេបញ្ជាការថ្មី។ នេះជាសំណេររបស់ ហ្វេសប៊ុកឈ្មោះ Ny Za។
ពាក់ព័ន្ធរឿងរ៉ាវតាមរូបភាពហ្វេសប៊ុកឈ្មោះ Ny Za នេះដែលបានបង្ហោះលោក កែវ វិចិត្រ មេបញ្ជាការតំបន់ប្រតិបត្តិការសឹករងកោះកុង អ្នកសារព័ត៌មានយើង បានទូរស័ព្ទទៅកាន់លោក កែវ វិចិត្រ សួរពីបញ្ហានេះ លោកឆ្លើយថា អោយទៅសួរអ្នកបង្ហោះនោះទៅ គាត់មិនដឹងទេ សួរខ្ញុំអញ្ចឹងហាក់បីដូចអោយតម្លៃខ្ញុំទាបពេកហើយអី។ លោបន្តថា ខ្ញុំបានឃើញតាំងពីខ្ញុំមកពីសាលានោះ តែគាត់មិនបានប្រតិកម្មអ្វីនោះទេ បើគាត់ច្បាស់អោយចេញមុខមកអង្គុយតទល់មុខជាមួយគ្នាមក គាត់អត់មានចំឡើយអីទៀតទេ បើគាត់អញ្ចឹងមិនមែន គាត់លុបលឿនយ៉ាងនេះដែរ។ នេះជាការលើកឡើងរបស់លោកឧត្ដមសេនីយ៍ត្រី កែវ វិចិត្រ មេបញ្ជាការតំបន់ប្រតិបត្តិការសឹករង កោះកុង។ សម្ដីលោក កែវ វិចិត្រ នៅថ្ងៃទី៣១ ខែមករា ឆ្នាំ២០២៤នេះ។
តាមប្រភពព័ត៌មានពីមន្ត្រីយោធិន កូនចៅរបស់លោកឧត្ដមសេនីយ៍ត្រី កែវ វិចិត្រ ចំនួន០៤នាក់ បានសន្យាជាមួយអ្នកសារព័ត៌មានយើងថា សូមលាក់ឈ្មោះជាដាច់ខាត បានខ្សឹបខ្សៀវប្រាប់ថា លោក កែវ វិចិត្រ បានធ្វើរឿងស្មោកគ្រោកនេះមែន ហើយពិតជាដូចអ្នកបង្ហោះនោះផងដែរ។ ប្រភពដដែលបន្តថា រឿងលោក កែវ វិចិត្រ នេះ មានយូរមកហើយ ក៏ប៉ុន្តែគ្មានអ្នកណាហ៊ានជាមួយគាត់ទេ ទើបតែពេលនេះមានកូនចៅបង្ហោះរូបភាពគាត់ឡើងហើយ សរសេរសំណេរត្រូវទៀត។
ប្រភពដដែលថា រឿងរ៉ាវនេះកាល លោក សុខ សុវណ្ណទុំ នៅជាមេទាហានឯនោះ ក៍មានរឿងរ៉ាវអាស្រូវជាច្រើនណាស់ស៊ីជម្រៅកប់លាក់ក្នុងតំបន់ ប្រតិបត្តិការសឹករង កោះកុងនេះ គ្មានអ្នកហ៊ានក្អកគ្រហែមឡើយ ខ្លាចអំណាចមេបញ្ជាការ ។
តាមប្រភពបែកធ្លាយពីមន្ត្រីយោធិនម្នាក់ទៀតសូមលាក់ឈ្មោះបានខ្សឹបប្រាប់ថា មានមេទាហានម្នាក់ទៀតឈរជើងនៅ ៣០៣
ឈ្មោះ រុំ មុន្នី សុថា ស្រឡាញ់កូនចៅខ្លួនឯង ដែលរស់នៅក្នុងបន្ទាយជាមួយគ្នា ហើយកូនចៅស្រីដែលលោក រុំ មុន្នី សុថា ស្រឡាញ់នោះមានឈ្មោះ បុត្រ សុគៀង ធ្វើជា លេខា។ធ្វើអោយនាយទាហានម្នាក់ឈឺចាប់ដោយសារមេរបស់ខ្លួនស្រឡាញ់ប្រពន្ធខ្លួន ហើយសព្វថ្ងៃនេះ ប្រពន្ធនាយទាហានម្នាក់នោះ នៅមិនទាន់លែងលះ គ្នាដាច់នៅឡើយទេ តែនាយទាហានម្នាក់នោះស៊ូទ្រាំខាំមាត់សង្កត់ចិត្តយ៉ាងធ្ងន់ជាងដុំថ្ម មួយរយតោនទៅទៀត ស៊ូដើរចេញ ទុកអោយមេទាហាន លោក រុំ មិន្នី សុថា យកប្រពន្ធខ្លួនចុះ។នេះជាអំពើមួយដែលសាហាវយង់ឃ្នងបំផុតសំរាប់នាយទាហានម្នាក់នោះ។
ឥឡូវនេះ ធ្លាក់មកដល់លោកឧត្ដមសេនីយ៍ត្រី កែវ វិចិត្រ ទៀត ទើបតែឡើងកាន់តំណែងប្រមាណជា០៥ខែទេ មានរឿងអាស្រូវយ៉ាងនេះ ក្នុងជួរកងទ័ព តំបន់ ប្រតិបត្តិការសឹករងកោះកុង។ តាមប្រភពដដែលក្នុងចំណោមមន្ត្រីយោធា៤នាក់ ដែលលោកម្នាក់ដឹងរឿងរ៉ាវច្បាស់របស់លោក កែវ វិចិត្រ ថា លោក កែវ វិចិត្រ នេះ នៅក្នុងក្រុមគ្រួសារមិនត្រូវគ្នាផងដែរ ហៅថា ទុក្ខប្ដីកាន់លុយ។
មន្ត្រីយោធានោះបានខ្សឹបប្រាប់បន្ថែមថា លោក កែវ វិចិត្រ រូបនេះ អោយតែស៊ីផឹកមិនចោលចរឹកទេ ហៅស្រីៗមកអែបខ្លួនសងខាង នៅពេលផឹកស៊ីម្ដងៗ ហើយហៅកូនចៅស្រីៗមកអែបទៀត មិនថាគេមានប្ដីឬមិនមាននោះ ពេលស្រវឹងដៃដូចមឹក។ មន្ត្រីយោធាម្នាក់នោះបន្តទៀតថា បើសិនទុកអោយលោក កែវ វិចិត្រ ធ្វើមេបន្តទៀត វាអាចគ្រោះថ្នាក់ដល់មន្ត្រីយោធិនស្រីៗយ៉ាងខ្លាំង ហើយសព្វថ្ងៃនេះ កូនចៅស្រីៗទាំងនោះ កំពុងភ័យខ្លាចយ៉ាងខ្លាំង ចំពោះលោក កែវ វិចិត្រ មេបញ្ជាការតំបន់ប្រតិបត្តិការសឹករងកោះកុងនេះ។ ប្រភពដដែលបន្តថា សូមអោយអ្នកសារព័ត៌មាន ចុះផ្សាយលោក កែវ វិចិត្រ ដើម្បីឲ្យថ្នាក់លើបានដឹងផង ហើយរូបលោកក៏ជាមន្ត្រីយោធានៅក្នុងជួរតំបន់ប្រតិបត្តិការសឹករងកោះកុងនោះយូរយាណាស់មកហើយ ។
ប្រភពដដែលបន្តថា គាត់ស្និទ្ធស្នាលជាមួយលោក កែវ វិចិត្រ មេរបស់គាត់ថា មិនកែចរិកសោះខូចណាស់ ទើបមានរឿងរ៉ាវនេះកើតឡើង ។ គាត់ខ្សឹបប្រាប់សារព័ត៌មានតែម្ដង គាត់មិនកាន់ជើងមនុស្សខូចទេ លេបខាយកូនចៅខ្លួនឯង។
សង្ឃឹមថា ប្រមុខថ្នាក់ដឹកនាំ មានវិធានការបន្ទាន់ ដាក់កម្លាំងអធិការកិច្ចរបស់ក្រសួងការពារជាតិ ស៊ើបអង្កេតរឿងលោកឧត្ដមសេនីយ៍ត្រី កែវ វិចិត្រ នេះផងទាន។ នេះជាព័ត៌មានបឋម៕
