អន្តរជាតិ ៖ អាកាសយានដ្ឋានទីក្រុងមូស្គូ និងអាកាសយានដ្ឋាន Zhukovsky ដំណើរការជាធម្មតានៅម៉ោង ៨ និង ៣០ នាទីព្រឹក ម៉ោងនៅទីក្រុងម៉ូស្គូ នៅថ្ងៃទី ១៧ ខែសីហា ឆ្នាំ ២០២៣ ។ នេះបើយោងតាម ទីភ្នាក់ងារសហព័ន្ធរុស្ស៊ី សម្រាប់ការដឹកជញ្ជូនតាមផ្លូវអាកាស បានប្រាប់អ្នកយកព័ត៌មាន។ ការផ្អាកបណ្តោះអាសន្ននូវជើងហោះហើរមួយរយខ្លីនោះ ដោយសារផ្លូវអាកាស រងការវាយប្រហារដោយយន្តហោះគ្មានមនុស្សបើក។
ទីភ្នាក់ងារនេះបាននិយាយថា កាលពីព្រឹកព្រលឹមថ្ងៃទី១៧ ម្សិលមិញ ថាការរឹតបន្តឹងត្រូវបានដាក់ជាបណ្តោះអាសន្នលើជើងហោះហើរទៅកាន់អាកាសយានដ្ឋាន Domodedovo និង Zhukovsky ដើម្បីសុវត្ថិភាពនៃការហោះហើរនៅលើយន្តហោះស៊ីវិល ហើយជើងហោះហើរមួយត្រូវបានបង្វែរទិសទៅចុះនៅអាកាសយាន្តដ្ឋានផ្សេងទៀតផងដែរ ។
សេវាសារព័ត៌មាននៃអាកាសយានដ្ឋាន Vnukovo បាននិយាយថា ការរឹតបន្តឹងបណ្តោះអាសន្នត្រូវបានដាក់សម្រាប់ការមកដល់ និងការចាកចេញរបស់យន្តហោះគ្រប់ប្រភេទនៅម៉ោង ប្រមាណ ១:៣៥ នាទីព្រឹក ម៉ោងនៅទីក្រុងម៉ូស្គូ នៅក្នុងអាកាសយានដ្ឋានខាងលើដោយសារតែមានការវាយប្រហារដោយយន្តហោះដ្រូននៅខាងក្រៅពីអាកាសយាន្តដ្ឋាន។ មន្ត្រីអាកាសយានដ្ឋានបាននិយាយថា នៅម៉ោងប្រមាណ ២:១៤ ព្រឹក (ម៉ោងនៅទីក្រុងម៉ូស្គូ – TASS) ការរឹតបន្តឹងលើជើងហោះហើរទាំងអស់ត្រូវបានដកចេញ ហើយស្ថានីយអាកាសយានដ្ឋានដំណើរការដូចធម្មតា។
