កីឡា ៖ នៅសល់តែ២ថ្ងៃទៀតប៉ុណ្ណោះ ការប្រកួតខ្នាតអន្តរជាតិរវាងកីទ្បាករ ព្រំ សំណាង និង ដាវ លីឌុច កីទ្បាករភូមានឹងមកដល់ហើយដែលគេគិតថា នឹងកក្រើកសង្វៀនគុណខ្មែរ។ ប៉ុន្តែអ្វីដែលធ្វើឲ្យមជ្ឈដ្ឋានអ្នកគាំទ្រវិសយ័កីទ្បាគុណខ្មែរកំពុងតែរំជើបរំជួលនោះ គឺសំដីផ្លែផ្កាឌឺដងដាក់គ្នារវាងកីទ្បាករទាំងពីរ។
មុននេះកីទ្បាករលំដាប់អន្តរជាតិភូមា ដាវ លីឌុច គ្រាន់តែជាន់ដីខ្មែរភ្លាម គាត់បានបោះពាក្យសំដីដោយស្រែកថា ” ព្រំ សំណាង នៅឯណា? ខ្ញុំរកគាត់អត់ឃើញសោះ” គាត់បន្ចែមថា ទោះ ព្រុំ សំណាង មានគ្រូបង្ហាត់១០០នាក់ក៏គាត់មិនខ្លាចដែរ គាត់នឹងវ៉ៃឲ្យ ព្រំ សំណាង សន្លប់ក្នុងទឹកណាមួយ មុនបញ្ចប់ទឹកទី៥ ។ ប៉ុន្តែកីទ្បាករ ព្រំ សំណាង ប្រតិកម្មថា ” ខ្ញុំសង្ឃឹមថា គាត់ខ្លាំង ដូចគាត់និយាយនៅលើសង្វៀន។ ប្រយត្ន័ តែ ២-៣ ស្មងរត់ពេញសង្វៀន។ ខ្ញុំពោរពេញទៅដោយជំនឿចិត្ត សម្រាប់ជំនួបទល់ ដាវ លីឌុច”។
បន្ថែមលើនេះ ថ្មីៗក្រោយមកដល់កម្ពុជា កីទ្បាករភូមារូបនោះបានបោះសម្តីដោយទំនុកចិត្តថា ” បើវ៉ៃមួយទឹក៩នាទី នោះ គាត់នឹងចាយពេលតែ២នាទីប៉ុណ្ណោះវ៉ៃ ព្រំ សំណាង ឲ្យសន្លប់”។ ប៉ុន្តែ ព្រំ សំណាង បានឆ្លើយតបភ្លាមៗថា” គេនឹងចូលនិវត្តន៍ភ្លាម ប្រសិនបើ ដាវ លីឌុច ធ្វើបានដូចសម្តីមែន!!” ។ ព្រំ សំណាង បញ្ជាក់ថា ” បើខ្ញុំចាញ់ត្រឹម ២ នាទីមែន ខ្ញុំសប្បាយចិត្ត ហើយខ្ញុំសុំឈប់ប្រទ្បូកគុណខ្មែរបន្តទៀត” មាននយ័ថាគាត់ចូលនិវត្តន៍តែម្តង៕
