ខេត្តកោះកុង ៖ លោក ចាន់ តារ៉ា អតីតជាមន្ត្រីកិច្ចសន្យា នៃមន្ទីរកសិកម្មរុក្ខាប្រមាញ់ និងនេសាទខេត្តកោះកុង ដែលមានរឿងរ៉ាវអាស្រូវពុករលួយយ៉ាងច្រើន ក្នុងនាមខ្លួនជាមន្ត្រីកិច្ចសន្យា ហើយបានប្រព្រិត្តបទល្មើសនេសាទខុសច្បាប់ ដោយខ្លួនផ្ទាល់ទៀត បន្ទាប់ពីលោក អ៊ី ម៉េងលាង ប្រធានមន្ទីរកសិកម្ម រុក្ខាប្រម៉ាញ់និងនេសាទខេត្តកោះកុង និងលោក ព្រំ សុវណ្ណា ផ្នែករដ្ឋបាលជលផលស្រុកបូទុមសាគរ រួមជាមួយឈ្មោះ ចាន់ តារ៉ា នេះផង ត្រូវបានរដ្ឋមន្រ្តី ក្រសួងកសិកម្ម រុក្ខាប្រមាញ់ និងនេសាទ លោក ឌិត ទីណា បានដកតំណែងលោក អ៊ី ម៉េងលាង ដោយសារមានរឿងរ៉ាវពុករលួយយ៉ាងខ្លាំង មិនអាចលើកលែងបាន ក្នុងដែនសមុទ្រ តំបន់ថ្មស ដែលលោក អ៊ី ម៉េងលាង កាន់កាប់នោះ។
ហេតុដូច្នេះឈ្មោះ ចាន់ តារ៉ា ហៅពងទា រូបនេះ ដោយខ្លួនឯងប្រព្រិត្តបទល្មើសនេសាទ លបកន្ទុយកណ្ដុរ ឬហៅលប ប្រើស១០០។ ឈ្មោះ ចាន់ តារ៉ា ភ័យខ្លាច ខ្លួនដោយមិនមានខ្សែខ្នងបង្អែកផងនោះ ក៏បានដាក់ពាក្យសុំលាឈប់ពីការងារ កាលពីថ្ងៃអង្គារ ៥កើត ខែភទ្របទ ឆ្នាំថោះ បញ្ចស័ក ព.ស.២៥៦៧
ចុះថ្ងៃទី១៩ ខែកញ្ញា ឆ្នាំ២០២៣ ដោយ ចុះហត្ថលេខារបស់លោក
ឡេង ច័ន្ទសុភា ប្រធានការិយាល័យ រដ្ឋបាលបុគ្គលិក។
បន្ទាប់មក លោក ឡេង ច័ន្ទសុភា ប្រធានការិយាល័យរដ្ឋបាល បុគ្គលិក បានបញ្ជូនឯកសារមកប្រធានមន្ទីរកសិកម្មរុក្ខាប្រមាញ់ និងនេសាទខេត្តកោះកុង អនុប្រធានទទួលបន្ទុករួម លោកស្រី អែម សុធារ៉ា បានចុះហត្ថលេខាបញ្ចប់មុខតំណែងឈ្មោះ ចាន់ តារ៉ា នៅថ្ងៃពុធ ៦កើត ខែភទ្របទ ឆ្នាំថោះ បញ្ចស័ក ព.ស.២៥៦៧ ចុះថ្ងៃទី២០ ខែ កញ្ញា ឆ្នាំ២០២៣នេះ។
ឈ្មោះ ចាន់ តារ៉ា បន្ទាប់បាត់បង់មុខតំណែងមក នៅតែលួចលាក់ប្រព្រិត្តបទល្មើសនេសាទខុសច្បាប់ ដែលបំផ្លិចបំផ្លាញធនធានធម្មជាតិយ៉ាងធ្ងន់ធ្ងរបំផុត ហើយក៏មានបងប្អូនបក្សពួកជាច្រើននាក់ទៀតប្រព្រិត្តតលបកន្ទុយកណ្តុរកាន់តែច្រើន។
តាមច្បាប់ជលផល មាត្រា(៩៨) ចែងថា ជនណាម្នាក់ប្រើប្រាស់ដោយឧបករណ៍ទំនើប ឧបករណ៍នេសាទដែលបង្កើតថ្មី របៀបនេសាទបែបថ្មី ឬឧបករណ៍នេសាទ ដែលអត់មានកំណត់ប្រកាសរបស់រដ្ឋមន្ត្រី ក្រសួងកសិកម្មរុក្ខាប្រមាញ់និងនេសាទ ដែលនាំមកនូវការបំផ្លិចបំផ្លាញមច្ឆាជាតិ ធនធានជលផល ប្រព័ន្ធ អេកូឡូស៊ីជលផល ត្រូវផ្ដន្ទាទោស ក្រោមបទល្មើសជលផលថ្នាក់ទី ១ ដែលដាក់ពន្ធនាគារពីបី (៣) ឆ្នាំ ទៅប្រាំ( ៥) ឆ្នាំ និងវត្ថុតាងទាំងអស់ត្រូវរឹបអូសជាសម្បត្តិរដ្ឋ ឬ បំផ្លាញ់ចោល និងដកហូតកិច្ចព្រមព្រៀង ឬ លិខិតអនុញ្ញាត ចំពោះជនណាដែលបាន ប្រព្រឹត្តបទល្មើសណាមួយដូចខាងក្រោមនេះ។
ពាក់ព័ន្ធរឿងរ៉ាវដ៏ក្ដៅគគុកនេះ អាជ្ញាធរជំនាញជលផល ក្នុងស្រុកបូទុមសាគរ និង សហគមន៍ មិនដែលបង្ក្រាបឬចាប់បទល្មើសនេសាទដូចជាឈ្មោះ ចាន់ តារ៉ា និង បងប្អូនបក្សពួករបស់ ចាន់ តារ៉ា ដែលប្រព្រឹត្តជាច្រើននាក់ទៀត មិនឃើញជំនាញជលផលបានបង្រ្កាបឡើយ។
ថ្មីនេះ ពាក់ព័ន្ធឈ្មោះ ចាន់ តារ៉ា រូបនេះ មានការបែកធ្លាយរឿងអាស្រូវ ពិសេសហើយច្បាស់ទៀតពីមន្ត្រីម្នាក់សូមមិនបញ្ចេញឈ្មោះថា មានឈ្មោះ ចាន់ តារ៉ា រូបនេះ តាំងខ្លួនជាមន្ត្រីកិច្ចសន្យា ការិយាល័យរដ្ឋបាលនៃមន្ទីរកសិកម្មរុក្ខាប្រមាញ់ និងនេសាទ ខេត្តកោះកុង កាលពីថ្ងៃទី១៥ ខែមករា ឆ្នាំ២០២៤ ថ្មីៗនេះ។ បច្ចុប្បន្នឈ្មោះ ចាន់ តារ៉ា មានទីលំនៅ ភូមិថ្មស ឃុំថ្មស ស្រុកបូទុមសាគរ ខេត្តកោះកុង។
សង្ឃឹមថា មន្ទីរកសិកម្មរុក្ខាប្រមាញ់ និងនេសាទ ខេត្តកោះកុង មេត្តាជួយអន្តរាគមន៍ករណីនេះផង បើសិនមិនដូច្នោះទេ រឿងរ៉ាវអាស្រូវមួយនេះនិងធ្លាក់ទៅលើ អាជ្ញាធរ ដែលពាក់ព័ន្ធក្នុងខេត្តកោះកុង ជាពិសេសជំនាញជលផលតែម្តង ដែលទុកអោយជនម្នាក់នេះធ្វើព្យុះធ្វើភ្លៀងតាមអំពើចិត្ត។
សូមលោកជំទាវ មិថុនា ភូថង អភិបាលខេត្តកោះកុង មេត្តាជួយអន្តរាគមន៍ករណីនេះផង ហើយនិងទប់ស្កាត់រាល់បទល្មើសនេសាទក្នុងដែនសមុទ្រតំបន់ថ្មស នេះផង សព្វថ្ងៃនេះ ប្រជាពលរដ្ឋនៅតែស្រលាញ់ និងគាំទ្រលោកជំទាវ អភិបាលខេត្តកោះកុង បេះដូងដដែលនេះជាតម្រូវការរបស់ពលរដ្ឋនិងអ្នកនេសាទ៕
