ខេត្តកោះកុង ៖ កាលរសៀលថ្ងៃទី4 ខែ កុម្ភ: ឆ្នាំ2024 ឯកឧត្តម ឧត្ដមសេនីយ៍ឯក ទូច ពល: ប្រធាននាយកដ្ឋាននគរបាលការពារព្រំដែនទឹក និងជាអគ្គលេខាធិការរងនៃគណៈកម្មាធិការជាតិ សន្តិសុខលម្ហសមុទ្រ បានដឹកនាំកម្លាំងចម្រុះនៃកងកម្លាំងប៉ូលិសការពារព្រំដែនទឹក ប្រមាណជាង៣០នាក់ ចុះមកពិនិត្យមើលទីតាំងដីធ្វើប៉ុស្តិ៍ នគរបាលរដ្ឋបាលការពារព្រំដែនទឹកក្នុងភូមិសាស្ត្រឃុំថ្មស ស្រុកបូទុមសាគរ ខេត្តកោះកុង។ នៅក្នុងនោះក៏មានលោកឧត្ដមសេនីយ៍ត្រី ផាន់ កណ្ណារ៉ាត់ អនុប្រធាននាយកដ្ឋានទទួលបន្ទុកព្រំដែនទឹក ក្នុងខេត្តកោះកុង លោកវរសេនីយ៍ឯក ស៊ិន ដារ៉ូ មេបញ្ជាការ វរ:សេនាតូច នគរបាលការពារព្រំដែន ទឹកលេខ២៦៩ឈរជើងនៅខេត្តកោះកុង។នៅក្នុងនោះក៏មានលោក ខេង សំខាន់ អភិបាលរងស្រុកបូទុមសាគរ តំណាងឱ្យលោក ក្រួច បូរីសីហា អភិបាលស្រុកបូទុមសាគរ រូមជាមួយោក គឹម ជើង ជំទប់ទី១ ឃុំថ្មស លោកមេភូមិចម្លងគោ និង ប្រជាពលរដ្ជ។
ឯកឧត្តម ឧត្ដមសេនីយ៍ឯក ទូច ពល: ប្រធាននាយកដ្ឋាននគរបាលការពារ ព្រំដែនទឹក តែងតែយកចិត្តទុកដាក់ចំពោះសុវត្ថិភាព សន្តិសុខ តំបន់លម្ហសមុទ្រ និង ការពារសន្តិសុខ សណ្តាប់ធ្នាប់ ក្នុងដែនសមុទ្រ ជូនសង្គមជាតិ ជាពិសេសនោះ ការពារផលប្រយោជន៍ប្រជាពលរដ្ជ ក្នុងដែនសមុទ្រកម្ពុជារបស់យើង ហើយនិង ពង្រឹងសមត្ថភាពសន្តិសុខដែនទឹក មិនអោយមានបទល្មើសណាមួយកើតមានឡើងនៅក្នុងតំបន់សមុទ្រ ហើយក៏ជាផ្នែកមួយ នៅតាមតំបន់មាត់សមុទ្រនៃខេត្តនិមួយៗ ដើម្បីទប់ស្កាត់រាល់បញ្ហាដែលកើតមានឡើងតាមបណ្តោយភូមិសាស្ត្រដែលប្រជានេសាទ ជួបប្រទះនូវបញ្ហាផ្សេងៗក្នុងដែនសមុទ្រ ដែលប្រជានេសាទកំពុងនេសាទនោះ ហើយងាយស្រួលទប់ស្កាត់ សហការជាមួយពលរដ្ឋគ្រប់ស្រទាប់ នៅតាមមាត់សមុទ្រ តាមកោះនិមួយៗ ហើយជួយទប់ស្កាត់រាល់បទល្មើសនេសាទខុសច្បាប់ ដែលលួចចូលមកនេសាទក្នុងដែនសមុទ្ររបស់ប្រទេសកម្ពុជាយើង។
តាមការលើកឡើងរបស់ឯកឧត្តម ឧត្តមសេនីយ៍ឯក ទូច ពល: ប្រធាននាយកដ្ឋាន នគរបាលការពារព្រំដែនទឹក បានមានប្រសាសន៍ជាមួយអាជ្ញាធរមូលដ្ឋានថា កន្លែងទីតាំងដែលធ្វើប៉ុស្តិ៍នៅតំបន់នេះ មានទំហំប្រមាណទទឹង៨ម៉ែត្រ បណ្ដោយ២០មែត្រ ទាំងចង្ក្រានបាយផង ហើយមានទំហំដីទទឹងប្រមាណ៤០មែត្រ ដើម្បីត្រូវ ខ្នាតស្ដង់ដាររបស់រដ្ឋផង។ ឯកឧត្តម ឧត្ដមសេនីយ៍ឯក តូច ពល: សំណេះសំណាលជាមួយអាជ្ញាធរមូលដ្ឋានយ៉ាងល្អដើម្បីសហការជាមួយគ្នា ក្នុងការធ្វើប៉ុស្តិ៍ជើងទឹក ដើម្បីប្រយោជន៍ពលរដ្ឋ និងសង្គមជាតិរបស់យើង ៕
