ខេត្តបន្ទាយមានជ័យ ៖ គ្រោះរាំងស្ងួតបង្កឡើងដោយធម្មជាតិកូនរដូវប្រាំងបានអូសបន្លាយជាង១ខែហើយ
មកទល់ពេលនេះ បានភ្លៀង១មេរាងសើមជោគដីត្រង់កន្លែងខ្លះដែរ។ប៉ុន្តែនៅវេលាម៉ោង៤និង៣៣នាទី ថ្ងៃទី១១ ខែកញ្ញា ឆ្នាំ២០២៤ បែរជាមានគ្រោះរន្ទះបាញក្របីរបស់កសិករនៅភូមិរពាក់ ឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ ងាប់ក្របីរដូករណែលចំនួន៦ក្បាល។
នេះបើតាមលោកវរសេនីយ៍ ទេព រដ្ឋា អធិការនគរបាលស្រុកព្រះនេត្រព្រះប្រាប់សារព័ត៌មានថ្ងៃទី១២ ខែកញ្ញាអោយដឹងថា មានភ្លៀងធ្លាក់ជាបង្គួរ លាយឡំខ្យល់ ផ្គរ រន្ទះ ហើយបណ្តាលមានរន្ទះបាញ់ស្លាប់សត្វក្របីចំនួន៦ក្បាលក្នុងនោះក្របីឈ្មោល៤ក្បាល ញី២ក្បាល ចម្ងាយប្រហែល៣០០ម៉ែត្រខាងលិចភូមិ ។ម្ចាស់ក្របីមានឈ្មោះ សែម វែង និងប្រពន្ធឈ្មោះ ម៉ៅ ប៉ាក់ រស់នៅភូមិ រពាក់ ឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ ។
ករណីរន្ទះបាញ់នេះ ប៉ះពាល់តែក្របី៦ក្បាល មិនប៉ះពាល់ផ្ទះសម្បែងនិងជីវិតមនុស្សទេ ៕